للشاعر سالم محمد المرواني(الجهني)
قالوا علامك غادي اليوم شيبه
توك شباب وماليا" راسك الشيب
إن كان شيبك فاقدا" لك حبيبه
ياما فقدنا والليالي تجاريب
قلت الهوى كبيت خبثه وطيبه
لو الهوى ما هو حرام ولا عيب
شيبي فراق أهل العلوم العجيبه
أهل النخاوي عند عوج العراقيب
غابوا وغيبتهم عليه مصيبه
وفارقتهم ما فيه شك ولا ريب
الموت خصما" مالقينا طبيبه
علة نحر ما تنعرض للأطابيب
والفقر غلقها عسى الله حسيبه
واللي ما شاب بوقتنا اليوم مايشيب
أن كان تقدير الرجل غير جيبه
من وين لك تقدير يا فارغ الجيب
حيا" يجيب اله المكاسب نصيبه
وحيا" نصيبه لا يودي ولا يجيب
وتخلي الأصحاب ماهي غريبه
بس الغريبة لا جفوك المعازيب
والرزق غير الله ما حد(ن) يجيبه
اللي يجيبه عالم السر والغيب
والا لو أن الرزق يؤخذ غصيبه
ما الفقر هان مفتلين الأشانيب
ولا كان حدتهم ظروفا" صعيبه
على خدوش(ن) ماتعرف المواجيب
القل قطاع القريب وقريبه
ورجل(ن) بليا مال كله عذاريب
المال يعطي الرجل طنخه وهيبهويقال له ذيبان لوهو ماهوذيب
ليست هناك تعليقات:
إرسال تعليق