والجمايل في بنوك الجمايل ماتضيع
كم على وجه الاراضين من ذيبٍ جويع
يجتلد ليله نهاره ولا يلقى عشاه
والكسل ماهوب يلحق لذات الربيع
والصلاة ابرك من النوم حي للصلاة
وش يقولون الرياجيل في طيب ن يذيع
ياسلام الله على اللي يشوقني نباه
والجمايل في بنوك الجمايل ماتضيع
وراعي المعروف لاجاء يدورله لقاه
ولاتعرض صاحبك شدة الوقت السريع
اتركه للوقت والوقت يبحث لك مداه
مايميز ف السلع قيمة اشتر لاتبيع
كود رجال ن من الوقت مبحوث خفاه
سعد بن جدلان رحمه الله
ليست هناك تعليقات:
إرسال تعليق