لاصد عنا اللي يجينا بوجهين
اللي يغيره المسا والصباحي
.......................................................................................
لا حل بضلوع الصداقة طواعين
ماعاد يبقى بالصدور انشراحي
اما بلشت بزلة تطرف العين
والا بلشت بعلة ما تزاحي
واللي مساحة خاطرة بين قوسين
تثر على حالة هبوب الرياحي
يالله تجعلنا كرام ن غنيين
وانك لا تحرمنا الهدى والصلاحي
رخص الوجيه اقسى من الفقر والدين
واتباعة المقفين سم ذحاحي
لاصد عنا اللي يجينا بوجهين
اللي يغيره المسا والصباحي
قريح خطه للمقفين سيدين
ومخصصات كلها للمراحي
ومحررات من جميع القوانين
ومجهزات من جميع النواحي
ولا تعترضها الاوديه والضلاعين
مع سهلة جردا ودرب سماحي
فجوج نجد تزين الخاطر الشين
واكثر تضاريس الطبيعة براحي
خرايم تحفي سبوت البعارين
وبدروبها للعابرين انفتاحي
واجبالها تعطيك بالصوت صوتين
حط الجبل قدمك وجر الصياحي
والله جعل كل الاوادم من الطين
ولا جعل كل الضماير صحاحي
وبعض الطيور الله عطاها جناحين
لكن ماهي من طيور الفلاحي
الشاعر عبدالكريم البدراني الحربي
ليست هناك تعليقات:
إرسال تعليق