لي صاحب واد الرمه ما يناحيه
عبدالكريم البدراني
لي صاحب واد الرمه ما يناحيه
لاقام يخبرني بسيرة حياته
اليا هرج ليل الشتا ما يكفيه
يطلع علينا الليل وده وهاته
كل المزايا الطيبة في معاليه
مع دربه التاريخ يتعب رواته
شجاعته شر على اللي يعاديه
اليا اعتزا ما احد يسوي سواته
مصيبة راع الخطا ما يدانيه
حمرا قديميه وحمرا قناته
وياشين حظ اللي يزعل بناخيه
ومن لايحوز ارضاه يكتب وصاته
ومن هيبته حتى الذيابه تخاويه
يقدر يحط الذيب في بطن شاته
ول يا لقا المحتاج ملا مخابيه
واكثر مشاريع البلد من زكاته
الله يزيده خير والله يخليه
للعالم اللي يشكرون احسناته
جميع الامه تفتخر به وتغليه
من طيب وقفاته ومن طيب ذاته
واليا سمع صوت المنادي يناديه
من فزعته يمكن يقطع صلاته
يا طيب حاضرته وياطيب ماضيه
سيف تفج الضلع الاسمر شباته
بغيت اسولف معه وازريت اجاريه
وعاملته بصمت ن بدون التفاته
جيته على جوه وفاضت سواقيه
وقامت تصادم بالفضا طايراته
لا صرت اعرفه زين واعرف خوافيه
خله يسولف لين تنشف لهاته
ان قال وان ماقال عندي واعشيه
لابد من يوم ن تضيق اسعواته
يبي يواجه واحد ما يجاريه
دفش ن من الاسلبوب صما صفاته
ولا لقا له عالم ن ما تراعيه
يصلفقونه لين تشمر عباته
ويبي يردون اوله عند تاليه
حتى من الضيقة تقارب جهاته
والمنطق المعقول يفتك راعيه
والمنفلت تقلب به الانفلاته
ليست هناك تعليقات:
إرسال تعليق