قصيدة صقر النصافي ياعلي خل العيد

 

صقر النصافي 

ياعلي لاجيت العرب لا تجي ديش

ياعلي خل العيـد لأم الدناديـش

اللي تنظف كـل يـوم جسدهـا

تبغي تماري ناقضات العكاريش

في كل ملفـاح تنقـض جعدهـا

العيد عيدالله ولو فـات حتيـش

من حسبة ايـام يمـرك عددهـا

نبي نعلمك المساري على الجيش

تمشي ذلولك لين يفتـر جهدهـا

خابرك مانتب ضاري للمطاريش

نبيك تونس حلوها مـن نكدهـا

ليله على مسرى وليله مغابيـش

وليله نخلي نومها لمـن رقدهـا

وليله على تمره وليله على عيش

وليله نوكلك اللحم صيـد يدهـا

ياعلي لاجيت العرب لاتجي تيش

خبل ليا جاب السوالف سردهـا

إحفظ لسانك لا يجي فيه تبطيش

تصبح عيونك كايـدات رمدهـا

يجيك من ينشدك نشدة تكديـش

يبـي يسنـع هرجـة يعتمدهـا

خله يقوم مفلت في يـده ريـش

يروح منك وحاجته ما وجدهـا

ترى دعابيل الخبـول الفوانيـش

تبدي بما فيها ولا احـد نشدهـا

يجيك واحدهم يـورش توريـش

سحابته يسبق مطرهـا بردهـا

واللي لغمقات السوالف مناقيـش

قراية الكلمة علـى اول عددهـا

تجي سوالفهم ضحـك وتبهيـش

وقلوبهم ما احد يفكـك اعقدهـا

اليوم يا عيني علامك ترفين ولا نتي على العادة بنثر الدموعي صقر النصافي

 

قصيدة   صقر النصافي

اليوم يا عيني علامك ترفين

ولا نتي على العادة بنثر الدموعي

أما يبي يلفيك علمن ما هوزين

وإلا اتذكر ما غدى من اربوعي

يا كثر ما نذكر من الناس غالين

حدر الثرى ما عد قيهم رجوعي

راحو مراحن منه ما هم ملفين

صارت منازلهم عذابن للشوعي

الله على وقتن مضي مثل هالحين

ابعد علي اليوم من حب كوعي

إليا ذكرته والمخاليق غافين

جريت ما يفتح مفالج اضلوعي

يوم أن وقتي مقبلن يا أدعج العين

عروس عشق ومعجبتها الدفوعي

واليوم وقتي صار بين اليهاهين

اليا طاب لي يومن خبث لي اسبوعي

دنيا نبي منها عدال الموازين

وتميل لوني في خطاها جزوعي

تضحك لناس بالفرح مستمرين

وناسن تجيهم بالكدر والفجوعي

وصارت بها سود المقانع شياهين

وفحولها صار اتبوع التبوعي

الحب تأثيره على القلب سلطان ....عبدالله بن عون

 

من روائع الشاعر عبدالله بن عون

قصيدة غزلية لعبدالله بن عون

يابوخلف مات الهوى عقب ما كان

حيا ً يغذنه ليال المرابيع

 

إلى مال عربان ٍ على أطراف عربان

وباطرافهم جاء للطوارف تناشيع

 

وليا حصل عقب المرابيع مقطان

وتقاطروا فوق الركايا المفاريع

 

ليا قطبت عد ٍ من الريف طربان

سمر البيوت اللي تسد الترابيع

 

الجانب الشرقي خوالد و مطران

والجانب الغربي على حرب وسبيع

 

ويرده من المظما دواسر و عتبان

و من كل بد ٍ للوسايم تناويع

 

بدايد ٍ معها شقا كل ولهان

خمص المثاني لابسات الدراريع

 

بنات بدو ٍ حوزهن حوز غزلان

نهب القلوب مخيبات الطماميع

 

ومن كان في قلبه للأشواق ميدان

يلقا مجال ٍ يشتري فيه ويبيع

 

ليا عرضت شقر ٍ كما مطرق البان

تلفح جدايلها هبوب الذعاذيع

 

مادونها حاجز حوامي و جدران

هيبات أهلها عن حماها موانيع

 

والحب تأثيره على القلب سلطان

جاير ولا راعيه للعذل بمطيع

 

وأول مداخيله على قلب الأنسان

تجاذب النظرات بين المواليع

 

سراير ٍ يعرف لغاها بالأعيان

تفتح مشاريع ٍ و تلغي مشاريع

 

بين الثنين اللي لهم بالهوى شان

ماهم بخالين العقول القراقيع

 

وليا لقا بقلوب الأثنين مسكان

وثقله توزع بين الأثنين توزيع

 

سيطر و كبرت قيمته عند الأثنان

مادام سره ما عبث به و لا ذيع

 

وأول غرابيله إلى من الأضعان

راحت قسوم وكل ناس ٍ عطت ريع

 

وتفاختو من عقب ماهم بجيران

ليا شيف للنجم الجنوبي تلاميع

 

ونياتهم راحت من العد شتان

وكل ٍ على فاله يذب المخاويع

 

ومن كان مشطون ٍ مع البدو بشطان

أمسى على قلبه حدادالمراقيع

 

وأصبح يعدي في نبا كل مزبان

جسمه معافا و الضمائرمواجيع

 

دور ٍ لحقتوه أنت و يادبيّان

ومن عذبه الصافي خذيتو قراطيع

 

يوم إن لونه ماتغير ولاشان

ولا خربوه مخربين المواضيع

 

عشق ٍ على وضح النقا ماله أثمان

مطامع ٍ عليا وعفه وترفيع

 

يا مل قلب يسج وفيه دولاجه

 قصيدة الشاعر عبدالله بن عون

يا مل قلب يسج وفيه دولاجه=من هاجس بالضماير قادم يدرجها

في معزل عن جميع الخلق وازعاجه=ما اسمع من الناس لو تكثر لجالجها

ما غير اهوجس تقول مضيع حاجه =واخذ واسند على روحي واهرجها

وادوج لو كن ما رجلي بدواجه =ادله النفس لين الله يفرجها

يالله ياللي بيدك الضيق وافراجه =ياخالق الخلق ياقاضي حوايجها

ابرج لعين الياغضة بسوهاجه=تجهز عليها الطورائ لين تزعجها

بالصدر ضيق ونوم العين هملاجه =عين من العام والسهر امتولجها

نوب سهرها شديد ونوب منهاجه=مرا تكن الدموع ومر تزعجها

عليك ياللي بقلبي كن وهاجه =وهاج نار هواء الغربي يسارجها

راعي ثمان تشادي اللؤلؤ لعاجة =كن البرد يوم يضحك في مفالجها

ياروح روحي وجرح القلب وعلاجه=اللطف بحال عليك الهم ساهجها

قلب يناجيك بسلوب الهواء ناجه =يشكي لك الحال داخلها وخارجها

اما التفت له وتم الوصول بمواجه =ولا بلا عشرة هاذي نتايجها

وش ينفعك من حنين القلب وخلاجه =واجروح اسبابها انت ولا تعالجها 

حمام على راس الطويلة يجر

حمـامٍ علـى راس الطويلـه يجـر لـحـون  **على ناعم أغصانٍ مـن الوسـم غريافـي

تثيـر النفـوس وتبتلـي قلبـي المـحـزون ** تـعـاون علـيّـه بلـوتـي والـزمـن جـافــي

هواجيس نفسي علقة في نجـوم الكـون ** ولا شـك حظـي بـار فـي جملـة أهـدافـي

ألا ياكـبـر بـلــواي والـنــاس مـايــدرون ** تـجــدد حـيـاتـي كـلـهـا هــــم وأتــلافــي

ألا ياهـل الفـرت الحمـر ريضـو بالهـون **نخاكـم دريـكٍ ضـاع ، مــدوه بـإسعـافـي

ترى الطايله من فعـل الأجـواد لاتكبـون** أخــذو بـيـد المـرعـوب قــدام وخـلافــي

خذو في يدين الهارب اللي كثير غبـون** تلقـى المهالـك والعطـش والقـدم حـافـي

طفق في روابي نجد يكفخ كما المجن **ونسرى في ظلام الليـل يـوم القمـر طافـي

تلقـى مـراب الذيـب يـوم العـرب يلهـون ** تسلـل مـع الغابـات مـن خـوف ينشافـي

زمانٍ عليّـه مـال وأهلـي علـيّ يخطـون** حيـاة البشـر فيهـا تعـرضـت الأصـدافـي

توحشت مـع فـج الخـلا والحيـاة ظنـون  **وشربت المراره يوم كـلٍ شـرب صافـي

يا حسن سميتك على جدك حسين

محله

اشوف زوله عقب صد وتمانيع عبالله بن عون

  عبالله بن عون

الله من قلبن رمع فيه رماع,,,,,,واخلف يمومه عن طريق التسانيع

هجسن رمع ماله عن القلب خراع,,,,,,,,علي غاراته تشن المفازيع

مركز بنوكه بين محني الاضلاع,,,,,,,لانامو العربان سوا مشاريع

يشري بقلبي كل ليلن ويبتاع,,,,,,, وله الجوارح خاظعاتن مطاويع

ياورق ياللي بالتغاريد سجاع,,,,,,,طرقن على روس العياد النعانيع

ياللي غناك امن النياحه به انواع,,,,,,وصوتك يزيد امولع القلب توليع

هوليه يوم تروجع الصوت روجاع,,,,,,قصدك تزيد ملوع القلب تلويع

اسهرت عيني والمخاليق هجاع,,,,,,,وذكرتني خلن بعيد المراميع

راعي جديلن فوق متنه ليا انذاع,,,,,,كنه شليل اللي تتل المصاليع

ليا جا نهارن فيه صايح فازع,,,,, والخيل باطراف الجهامه شواريع

بيومن مثل يوم الرحا عجهم زاع,,,,,نهار اخو نوفا يفك المجاميع

مخلي سروج الخيل من كل صعصاع,,,,,,عقايله سرد الرمك والمداريع

يدلي بهندين للرقاب قضاع,,,,,,,في روس ضده غاديله لعاليع

سيفن شجيرن يامره قلب وذراع,,,,,ضربه يطوع مخطي الدرب تطويع

كم راس شيخن دقبه رومت القاع,,,,وخلي عشن لذياب نجد المجاويع

بيومن على ضده مخاييله اتباع,,,,,نهار يفرق شملهم عقب تجميع

غيمه عجاج الخيل غاره وامهجاع,,,,,وشمسه بواريق السيوف اللواميع

يشيب منه اللي على الديد رضاع ,,,,,يوم العذارا ذاهلاتن مفاريع

لاوالله الاصاحبي شد نجاع,,,,,بيني وبينه يهرع الذيب ويريع

عنه اتحرا العلم مع كل ذعذاع,,,,,انشد ولا عينت للعلم تسنيع

وعليه اصابتني عواريض واوجاع,,,,,ونار الغرام تميع القلب تمييع

اتلى العهد به يوم مضهوره انزاع,,,,,وجلع ضعنهم طلعت الشمس تجليع

بدون يبون بشرقي النهد مرباع,,,,,ولهم على اطراف الصداوىمراميع

راحو بعد حطو على القلب مرقاع,,,,,وعسالهم من عقب القفى مراجيع

ليا هف زملوق الطواليع ونصاع,,,,,وقفى خضارالنبت حد الطواليع

والارض صفرا عودها والثرا ضاع,,,,,وستبدلت عقب الخضار البلاقيع

وجونا تباريهم زهازيم الاقطاع,,,,,,كنه يقلطهم عقيط الطماميع

حف الربيع وعودوا لشفا ارياع ,,,,,ا لعلو نجداللي هبوبه ذعاذيع

ليامن نبت الصيف جاله تمرياع,,,,,,وضفى على هاك العباد المصاليع

اللي طويل عدودها عشرة ابواع,,,,,,وجلالها مثل الطيور المواقيع

يزميبهن طافح سرلبن لياماع,,,,,,كن من القصدير ياخذ تلاميع

دارن بها تركي ومحسن وهزاع ,,,,,,من حبها مالثلاثه مناجيع

ماكفت البره وجزعا وجزاع,,,,,واجنب جنوب اليا القهب والمجاظيع

والهم على منثورت العرق مرماع,,,,,هاك النفوداللي غضاها مهانيع

اضن يظرب للغضي درب الاسناع,,,,,واشوف زوله عقب صد وتمانيع

وفي غير شوف العين ماني بطماع,,,,, الا اناحصل لوهو سلامن وتوديع

 عبالله بن عون

غرابيل بقعاء للشاعر محمد خلف الخالدي

 

غرابيل بقعا شربتني عناها صرف

تجيني هجيج بدون راعي ولفيها

 انا ماشيكت ام الغنج  والغضيى والطرف

شكيت الزمان وحاجت عند راعيها

عسى الله يهون شدتك ياشديد الظرف

توكل على الله والله اللي يسويها

محمد خلف الخالدي 

واللي يجهل المشروه لا يلحق المشروه ورجّــــــال تعـداه المشاريـه لا يـشـــــره

بعدالأمل تتعب دونه النـاس ماوصلـوه

حتى تجتمع فى ساعةالحشر منحشـره

الوجه المشبب كلمتـه مالهـا مسفـوه

والأقشر يواجه قشرالأنصاد من قشـره

تلقى مبغضين الآدمي كثر مـن حبـوه

على وجه سابعة الأراضيـن منتشـره

والدنيا تمد النـاس بالخيـر والمكـروه

في خيراتها شتّى وفي شرّهـا خشـره

و سمات البخت لا شافوا النور ما غطوه

واقوى رابطة في الزاد والملح والعشره

واللي يجهل المشروه لا يلحق المشروه

ورجّــــــال تعـداه المشاريـه لا يـشـــــره

والألباب لآمر الكـلآم المفيـد أوحـوه

وتفصيل الخبر يكفي عنه موجز النشره

سعد بن جدلان رحمه الله

والذي ليلـة الاسـراء عـرج بالرسـول ..ان حبـك لحـال وحـب غيـرك لحـال

 

آه يا قلب ياللـي دايـمٍ فـي ذهـول

والله انـه ثقيـلٍ ليـن جــوه الثـقـال

يا قطـاة العبيّـه يـا هيـام الـذلـول

يـا عيـون النـداوي يـا رقبـة الغـزال

نور وجهك على من شاف منـك القبـول

نور صبـحٍ تبسّـم فـي رهـاد الجبـال

كنّي اقـرا علـى طـرّت جبينـك تقـول

انـا قلبـي يحبـك يـا حبيبـي تـعـال

كـان قدّمـي حـدٍ فالحـب راح امهبـول

والله انـه خطيـرٍ لا يجينـي اهـبـال

المحبـه جملـهـا مـرسـلٍ وامعـقـول

لعنبـو مـن يقـول ان المحبـه اخـبـال

والذي ليلـة الاسـراء عـرج بالرسـول

ان حبـك لحـال وحـب غيـرك لحـال

سعد بن جدلان رحمه الله

الا ياالله ياللي تحـت هيبـة سلطنتـك اسلمـت

 

الا ياالله ياللي تحـت هيبـة سلطنتـك اسلمـت"

"لك المسلم يسبح لك بحمـدك ولـك الإسلامي

احمدك واشكرك واثني عليك بما علـي انعمـت"

"تزودني وفا قـدر العشيـر ووصـل الارحامـي

ولجك الفجر ياليل الذهول اللـي علـي اضلمـت"

"يعرضك واقع الماضي بعيني عـرض الافلامـي

ولهتك يالنديم اللي على صافي وفـاك اضرمـت"

"بصفحة ذكريات العام واللـي مـن ورا العامـي

بعد تقرير مشوار التجـارب نجحـك واجزمـت"

"بان السيف سيفي والعصـا والمحـزم احزامـي

عطتني عزلة اخلاصي معك نسيان مـن نادمـت"

"كتبتك وانطوت صحفي عليـك ورفعـت اقلامـي

اباهـي لا ابالـي واتبيسـط كــل ماقـدمـت"

"اشـب النـار قـدام العـرب واشيـد اخيامـي

نهاري حر شمسه يستحي منها لسـان الشمـت"

"وليلي ترقب نجومـه ملامـة كـل مـن لامـي

على ضو الكلام اللي كشف عنا ستـار الصمـت"

"عرفت اني تحت برق الامل في روض الاحلامي

احسب انك تيمم با اتجاهـي ويـن مـا يممـت"

"واثر ما انت بورايه في الطريق ولانـت قدامـي

مصيبه لاتدنت قيمتك فـي عيـن مـن قيمـت"

"يشوفك بالسهل وانته تشوفـه بالسمـا السامـي

كثر ماحن قلبي للونيـس وكثـر مـا درهمـت"

"فجر صدري حنينـي واتعـب الاقـدام درهامـي

عيون الصد وعيون التجافي حول مهما اكرمـت"

"تشـوف المجتهـد كسـلان والبنـاي هدامـي

مدام ان جانبك شام لجنابي وانت عنـي شمـت"

"كثر خيـرك وانـا مانيـب لاجايـع ولاضامـي

اشوف انه علي واجـب ليـا مريتكـم سلمـت"

"مرور اكرام تربطـه الكرامـه عنـد الاكرامـي

على شان الخفوق اللي على عرشه قعدت وقمت"

"حجب عنك الدجى لين اشرقت لك بيض الايامـي

ختام السالفه ياطيـب العشـره كرمـت ودمـت"

"هذا حقك علي وحق شرهاتـي علـى اوهامـي

مصير الوقت يشرح لك دروسه وان غفلت ونمت"

"يصحيك الزمان اللي يصحـي كـل مـن نامـي

تذكرني لامنها خابـت اوهامـك فمـن وهمـت"

"وشفت الفرق في حب الخشوم وحـب الاقدامـي

بن جدلان رحمه الله وغفر له

يا زين المشي في االروض الخضر لا شعشع المخضار

يا زين المشي في االروض الخضر لا شعشع المخضار

يازين الدير ة اللي من حقوق الوسم ممطورة

يريح البال سجٍ في الفياض الخضر والمسيار

سعادة للقلوب اللي من السلوان مســــرورة

متى عيني تشوف اللي على قلبي ربيع ودار

أشاهد للسعادة في حياة المجتمع صـــــورة

لا هلت مزون فوقهن تنعومتين صغار

على ذيك اللباب اللي من الرضوان مغمورة

لا منه أصحى سماغر المزون وشعشع النوار

ودجاه أدلى سدوله والقمر متجلي نــــــوره

أشاهد لي بروق دونها ربانها تندار

تقول أكباس غاز من ورا شلال نافورة

سبح ماهر خيالي في الخباري والبرد والنار

وأشوف الجمر فوقه دلة الرسلان منحورة

هذاك المنظر اللي ما تشوفه في الحياة أمرار

على شوفه سبابيح الخيال تموت مقهورة

حرام إني ما أهني راع المليون والمليار

ولا أهني عربسات الفضا دوره ومقدوره

أعيش بعالم طول المدا يبقى لها تذكار

عليّه بالحرام انها حياةٍ مالها جوره

هذا وجه الصحيح ولا على وجه الصحيح غبار

حقيقة ويتمعنها اللبيب بكامل شعوره 

بن جدلان رحمه الله

ودّنا بالطيب بس الدهر جحّاد طيب

   

ودّنا بالطيب بس الدهر جحّاد طيب

كل ماتخلص مع الناس كنك تغشهـا

يدك لامدت وفا لاتحرى وش تجيب

كان جاتك سالمه حب يدك وخشهـا

كل ماشـبـيت نار المحّبه مع حبيب

قام يسحب فـي مشاهيبهـا ويرشهـا

كل ماواجهت لك في الزمن وجه غريب

مثل ما قـــال المثل دام تمشي مشها

وذمةٍ ماهيب تندان للحق المصيب

جعل قشاش الحطب لاسَرح يقتشهـا

سعد بن جدلان رحمه الله 

قصيدة ذياب بن غانم

 

يقوله فتى الهيجا ذياب بن غانم

لا عاش من يحوي الردى لا عاش

يالله يا المطلوب يا قايد الرجا

يا خالق غير السهال دشاش

يارب لا تقطع للأجواد طلبه

ياساقي الأرض المحول رشاش

فارقت الانجاد العذيّات وأرضها

في أرضنا كم من يتيم عاش

بالله يا غادي على متن ضامر

تقطع فيافي سهلها ودشاش

سلم على سقام المعادي وقلّهم

في نجد من عمر بلاده عاش

حمام على راس الطويلة

 

 حمامٍ على راس الطويله يجر الحون = على ناعم اغصان من الوسم غريافي 

تثير النفوس وتبتلي قلبي المحزون= تعاون عليه بلوتي والزمن جافي

هواجيس نفسي في نجوم الكون=ولا شك حظي بار في جملة اهدافي 

ألا يا كبر بلواي والناس ما يدرون=تجدد حياتي كلها هم واتلافي

ألا يا هل الفرت الحمر ريضو بالهون=نخاكم دريكٍ ضاع امدوه بأسعافي 

ترى الطايله من فعل الجواد لا تكبون= خذو بيد المرعوب قدام وخلافي 

خذوا بيدين الهارب اللي قتيل غبون=تلاقي المهالك والعطش والقدم حافي ...

طبع في روابي نجد يكفخ كما المجنون=سرى في ظلام الليل يوم القمر طافي

تلقى مراب لذيب يوم العرب يغفون=تسلل مع الغابات من خوف ينشافي

 زمانٍ عليّه مال وأهلي عليّ يخطون= حياة البشر فيها تعرضت الأصدافي 

توحشت مع جو الخلا والحياة ظنون=شربت المنون بيوم كل شرب صافي

قصيدة بن زويبن سمعت لي كلمة

سمعـت لـي كلمـة مـدري وش اقصاهـا

حـزت بنفـسـي وأنــا مـانـي بهارجـهـا

لـوكــل كـلـمـة إلـــى جـتـنـا طـردنـاهـا

بـعـنـا الثمـيـنـة بـسـعــر مايـخـارجـهـا

لــو مــرت الـسـمـع مـاكـنـا سمعـنـاهـا

ونقـفـل الـــراس عـنـهـا لا يبرمـجـهـا

ومـــن يـــم هــــذا لــهــذا مانقـلـنـاهـا

والنـاس واجــد وتلـقـى مــن يروجـهـا

مــن جابـهـا بـيــن خـلــق الله وداهـــا

لـو بـه مراجـل تـرى نفـسـه يسمجـهـا

ومن عامل الناس فـي سابـق خطاياهـا

يـقـعـد بـــدار خـــلا مـــاداج دايـجـهــا

فـي كنـة تـشـوي الجـربـوع رمضـاهـا

وتابس غصون الشجر من حر واهجها

والناس بالحق حكم الشيخ مـا أرضاهـا

ماتقـنـع الـنـاس لـــو انـــك تحجـجـهـا

يالـلـي تـبـا الطيـبـة خـذهـا وعطـنـاهـا

وخـــل الطـريـفـة طـريــة لا تثـلـجـهـا

وأقضب طريق الأوادم وامش ممشاهـا

أتـبـع دروب الـعـرب وأدرج مدارجـهـا

وأرســم لنـفـسـك حـــدود ولا تـعـداهـا

من حط نفسه بـدرب الضيـق يحرجهـا

وان كـان نفسـك هـواهـا قــام ينحـاهـا

حـط الأعنـة بـروس الخيـل وأسرجـهـا

وفــكــر بمنـكـافـهـا قـــــدام مـغــزاهــا

واضـرب حساباتهـا وتـشـوف ناتجـهـا

وكــل بعـضـده يـمـوح الـدلـو برشـاهـا

وتلقـى كبـود الضوامـي مـن يبرهجهـا

وان كـان تـوك علـى صـدرك تهجـاهـا

حـنـا تـرانــا نـــدرس فـــي مناهـجـهـا

مــن يــم مصبـاحـهـا نـبـعـد معـشـاهـا

إلــى قـعـد راعـــي الـضـلـع يـدرجـهـا

لـو هـي صعيبـة إلـى انعاجـت عدلناهـا

واللـي تجـي مستقيـمـة مــا نعروجـهـا

نهـتـم فــي وزنـهــا وابـــرام معـنـاهـا

ومــن الكـرسـتـال والـلـولـو نتـوجـهـا

مـثـل الجـواهـر لـيــا مـنــا نضمـنـاهـا

وسلوكهـا مـن جديـد الـزري ننسجـهـا

مـخـايـل تـردتــدم والـصــدر منـشـاهـا

لا دك بـالــبــال داكــــــوك يـهـيـجـهــا

وليا أمطرت ضاقـت الوديـان فـي ماهـا

تاخـذ إلـى الحـول مـا يبسـت مدالجـهـا

وان صدت الناس عنـا مـا أعترضناهـا

مــا تقـفـي الـنــاس عـنــا ونتولـجـهـا

وإن جاتـنـا الطيـبـة بالطـيـب زدنـاهــا

الطيـبـة بالـعـسـل والـسـمـن نمـزجـهـا

وان جاتـنـا الثانـيـة نصـبـر ونـرفـاهـا

يمـكـن إلــى فــاق راعـيـهـا يعالـجـهـا

وان عـادهـا عـــودة مـاعــاد ينـسـاهـا

مـن حربـة فـي صميـم الصـدر نولجهـا

مسـمـومـة يـبـلـش الـدكـتـور بـدواهــا

مايقـنـع الخـبـل لـيــن أنـــه يلامـجـهـا

 

قصيدة بن زويبن في شخبوط الدوسري

 

يـالـخـالـدي كــــان ان رد الــثـنـا حـــق
والــحـق تــرفـع كـلـمـته مـــن نـطـقها

انــتـه مـــن الــلـي لـلـحـقيقة مــوفـق
بـنـدقـك مـاتـخطي الـضـريبة فـشـقها

بـالـطـيب والـنـومـاس حـبـلـك مــوثـق
وأبــــوك نـــار الــعـز قــدمـك شـعـقـها

ســويــت لـــي بــريـةٍ مـــا بــهـا طـــق
تــصــوك بـالـمـحـماس ريــحـة عـرقـهـا

وانــتـه وكــيـلٍ لــي مـفـوض ومـطـلق
اجــلـس بـجـنـبي يـافـهـد ثـــم ذقــهـا

وان كـــان فـيـهـا طــق قـبـل الـتـوهق
عــنــي دروب الــنـقـد ســكــر نـفـقـها

وان كــان عـنـها مـدخـل الـنقد مـغلق
سـويـتـها وانــتـه بـــدون امـــر سـقـها

عــسـى يـمـيـنـك يــافـهـد مــاتـعـوق
تــحــكـهـا عـــيـــن الــكــريـم بــدرقــهـا

سـقـها عـلـى الـلي بـالمراجل تـفوق
كـــل الــرجـال الــلـي بـسـنـه فـهـقها

كـــل الـــدروب الـكـايدة شـقـها شــق.
وجــمـيـع بــيـبـان الــمـراجـل طــرقـهـا

الـمـرجـلـة بـــنــتٍ طــويــلـة مــعــنـق
مــاكــل رجـــلٍ تــاخـذه لـــو عـشـقـها

طــبـايـعـه وطــبـوعـهـا مـــــا تـــوافــق
وشـخـبـوط طـــش لـثـامـها واعـتـنقها

والـعـود مــا احـدٍ يـبخسه لـين يـحرق
والـحـصن بـعد الـماد يـكشف سـبقها

مــــن لابــــةٍ يــــوم الـقـبـايل تـصـافـق
عــلـى ظــهـور الـخـيل خـذهـا وذقـهـا

 دواسرتـــــروي شـــبــاة الــمـذلـق
مـنـهـم صـفـوف الـقـوم يـكـثر طـقـقها

صــفــوفـهـم يــوم الــلــقـى مــاتــفـرق
لـــو يـنـتحر جـمـع الـعـدا مــا اخـتـرقها

بـيـوتـهم يـحـمـس بــهـا الــبـن ويــدق
وروس الـغـنم مـثـل الـرجـوم بـشنقها

حــيـلٍ لـيـا جــا الـضـيف قـدمـه تـعـلق.
يــبـقـى ســنـيـن يــنـد مـنـثـر مـرقـهـا

وعــلـيـه مــنــي كــــل يــــوم يـتـدفـق
مــع طـلـعة الـبـيضاء وغـيـبه شـفـقها

ازكـــى ســـلامٍ مــثـل ريـــح الـمـعـتق
وريـــح الـزهـور الـلـي غـضـيض ورقـهـا

نـبــاتـهـا مـــاهـــو تــقــاطـيـع وبـــهــق
رقـعــة ويـصـبـحـهـا الـمـطـر ويـغـبـقـها

واحلى من الأبيض ليا حلب من شق
وضـحـاً تـسـن حـوارهـا مــن فـسـقها

لـيـا شــافـت الـحـلاب قـامـت تـفـهق
مـــن زيـــن خـاطـرهـا ســريـع فـوقـهـا

مــن شـاعر هـاضت شـجونه ونـسق
قــصــيـــدةٍ رد الـــثـــنـــا مــنــطـلـقـهـا

يــشـرب بـجـلـد بـعـير مــن جــمٍ أزرق
ويــجــذب بـسـلـسـلةٍ قـــويٍ حـلـقـها