قصايد بن فطيس

 

شعر بن فطيس المري 

من أجمل قصايد بن فطيس

ياهيه إلتفت لي وإسمع دعاي لك يـا هيـه

ترى عادتك تشبـع مـن البعـد واتواجـه

دعيتك بصوتٍ ياصلـك ليـه مـا توحيـه

وأنا أسمع ضلوعك من صدى الصوت لجاجه

عليـك الفـؤاد إخلاجـه مصمـخ راعيـه

خف الله في راعيـه مـا تسمـع إخلاجـه

ترى العفو قد جـاك أولـه وإغتنـم تاليـه

وترى الحلم بحرٍ غيـر لا تامـن أمواجـه

وترى الـود ليـلٍ مظلـمٍ جيت لـك ساريـه

سراجه وصالـك والجفـا ينفـخ سراجـه

وترى قصرنا اللي كم سنة نجمـع ونبنيـه

هوى العذل طيـح بابـه العـود وسياجـه

لي أيام مـدري ويـن دارك ولا أدري ليـه

وأنا خابـر إنـي بـاب شفـك ومزلاجـه

غيـابٍ بـلا سبـة هجـادٍ بــلا تنبـيـه

وجفا أغلى العرب نارٍ على الكبـد وهاجـة

نضج قلبي من البعـد وش حاجتـك تكويـه

جفاك الجمر والصبر فـي بعـدك الصاجـه

وطبع حبـك بقلبـي والأيـام مـا تمحيـه

هـذا هجـرك يحـاول يموجـه ولا ماجـه

يموت الأمـل لكـن ظنـون الغـلا تحييـه

وعروق الوفـا فالـروح والقلـب وجاجـة

خبرتوا حدٍ يبكـي علـى واحـدٍ يبكيـه؟؟!!

وخبرتوا حدٍ مسجون ما يبقـي إفراجـه؟؟!!

أحبـه ولا أبغضتـه علـى شـيٍ يسويـه

ولا زالـت رقـاب الرجـا فيـه منعـاجـة

عسى منزلٍ ضمه حقـوق الوسـم تسقيـه

وتضحك له الدنيا وهـو يضحـك حجاجـه

فقد خاطـري شـي مـن الضيقـة مسليـه

وغد روحي من النـاس والليـل هجاجـة

أروح لمكـانٍ خابـره .. خابـره ياتـيـه

أسوق القدم صوبـه وهـي مالهـا حاجـة

مكـانٍ نزيـه وأول مواجهـي لـه فـيـه

وأنـا خابـرٍ مـا رجـل مثلـه بـدواجـة

لعل وعسـى مـا حدنـي للمجـي يدعيـه

وأشوفه وأنـا مـا ودي أسبـب إحراجـه

يحب الجريح آخـر دروب اللقـى ويجيـه

وتحـب القـدم جيـة مكـان أول مواجـه

،؛، قد عطيتك ،؛،

قد عطيتك وانـت ماضنـك لئيـم ..

.. والنصيـحـه لليـالـي تـذكـره

لاتحرك جرحـي الماضـي الاليـم ..

.. ولاتحسب ان طول بعـدك طهـره

كل جرح يهـون يالجـرح القديـم ..

.. وكل شي قد مضـا معـك اذكـره

جرحي وذكـراك والليـل البهيـم ..

.. حـزت فـوادي بمثـل المنشـره

العذول غراب وانا اكبـر غشيـم ..

.. والجروح الماء وطاريـك حجـره

والزمان اكرم من الحـظ الكريـم ..

.. لانفتح لي بـاب صوبـك سكـره

وحبك اللي لاطرى لي رحت اهيـم ..

.. قمت احسب اصغر كلامك واكبـره

ليتنـي عـاد الهـوا تـوه فطيـم ..

.. انعذلـت لعاذلـي بـس خـيـره

مالقيت من الوفـاء يـااول نديـم ..

.. كون صدق الحزن وجهه وظهـره

عقب رمح الشوق في وجه الصميم ..

.. سيف هجرك في قفاه وشف ثـره

وانت شكلك تحسبنـي فـي نعيـم ..

.. لنـي اخبـي صوابـي واستـره

لايغـرك حلـم رجــال حلـيـم ..

.. مهون اللي مـن سكوتـه فجـره

ولاتحسب الجفن من دمعه عقيـم ..

.. يستحي منك والى اقفيـت انثـره

ولايغرك وان بدا جسمـي سليـم .. 

.. والله ان جسمي سـوار المقبـره

والله ان امر من ضحـك الغريـم ..

.. شوف حقي بين اياديـه اشكـره

والله ان احر مـن دمـع اليتيـم ..

.. دمعة الرجـال مـن فرقـا مـره

كلما طروه لوهم يمزحون

من قصايد بن فطيس

كل ما طروه لو هم يمزحون 

احرموني من غداي ومن عشاي 

أدري إنه ما تناسى الود كون

 تسمع إذنه في قفاي اللسن عداي 

وكانهم قالوا نسيته يكذبون 

وإلا أنا فيه أمتلك نظرة وراي 

كان حبه لي على خبري مصون 

 والله ان كني بقدري .. وبغلاي 

ذي بقايا الحب وأطلال الجنون 

والله أعلم في ضميره وش بقاي

 غير طيعوني ولا عاد تسكتون 

 ولا والله إن أسمعكم بكاااي