قصيدة الهوى نجدي
عيدة الجهني.
عيدة الجهني.
تدلليّ عروس نجد بجمالك
هب الهوى نجدي وانا بارقي ناض
جيتك غلا كلي وسقت الغلا لك
في قلبي رياضٍ وفي عيني رياض
يالديره اللي عز عندي منالك
ما جيتك إلا من ورا فياض وفياض
أشيل قافي واتقهوى دلالك
واركي عليك حمل الايام واعتاض
بردان قلبي والدفا عند شالك
ظميان ماله غير ميرادك حْياض
والعز ماله والله إلا رجالك
والخير منك لقاصي الأرض فيّاض
أغناك رب الكون واوفى خصالك
وابلى بك كبودٍٍ من الحسن تغتاظ
يادار ابوفيصل عسى الغيث فالك
يسقيك همالٍ ويدهلك مرتاض
هب الهوى نجدي وانا الطيب فالك
لا مبدي الونه ولا باكي وقاض
بانثر عليك من القصايد حلالك
تخيّري يانجد من خالي وفاض
هذا نخل طيبه على فيّ جالك
مال لهواك وماك في مفرقه فاض
تدلليّ عروس نجد بجمالك
هب الهوى نجدي وانا بارقي ناض
