أمــل الوجـــار وخلوا البــاب مفتــــوح
خــوف المســـير يســـتحي ما ينــــــادي
نبغي إلى جـــاء نـــازح الــــدار ملفــوح
وشــــاف البيــوت مصككــة جــاك بــــادي
يقلــط لــديــوان بــه الصــدر مشـــروح
ورزقـــه علـى رازق ضعـــاف الجــــرادي
يا نمــر مـا في صكـــت البــاب مصلــوح
ولا هــي بلنــا يــا مضنــــة فـــوادي
تصلــح لمخلــوق يبـي يســـتر الــــروح
ناشــي عليــها معتمــــدها اعتمــــادي
يا نمــر لو المرجلــه ســــدو مســــدوح
كــل نقــــــزهــا حـــر ولا بــــرادي
لكنــها من دونـــها المــــر مطـــــروح
وأرض تـبي مــن بــذر فعــلك ســــمادي
رجـــال تقصيــــره مع النــاس مســـــموح
لا حيـــث مالـــه في القديمــة شــــدادي
ورجـــال تقصيره مـــع النـــاس مفضــــوح
وكــل يقـــول النــار تخـــر رمـــــادي
