قصيدة
غزل وشجن
للشاعر
شعيب محمد الحربي
( ابو ليان )
تعال شفني لا سرى هاجس البال ....للذكريات اللي فراقك غبنها
اتعبني التفكير واشغلني اشغال ....بايام راحت يا سقى الله زمنها
وبانت دموع العين للقيل والقال .... لولا الجفون بغيبتك تحتضنها
واضلوع صدري في رجا بارق اخيال ....في عالم الغربة تحن لوطنها
والفرحة اللي ذيك الايام تختال....على الملامح ما بقى شي منها
صبرت مير الصبر في غيبتك طال ....والعين هجرك طير النوم عنها
والشوق كم له ينتظر منك مرسال....والنفس ذكرانا تهيض شجنها
للذنب بين ايديك مليون حلال....زلة وراحت والعذر ما مكنها
ابيك ترجع لي بقلبك وما شال....واللي ورا عوج الحنايا دفنها
وتحكم وتشفع للنوايا بالاعمال ....وتامر على كل المشاعر وتنهى
ما يستفيد من الزعل غير عذال .... غلطة وانا اللي رايح ادفع ثمنها
والا الغلا باقي وباقي ولازال ....بيدين من كل المشاعر رهنها
اسال قصيدي لا رجع منك . (وش قال)....وسعادتي في ذمة اللي سجنها
هذي بيوت الشعر تشرح لك الحال....اجر مع ونة افراقك لحنها
ليست هناك تعليقات:
إرسال تعليق