ياصاحبي ماني براعي مهاداه
إما ارضني والا اجفني واستخيري
إما تعال وماطلبناك عطناه
والا تروح وجعل دربك سفيري
من شق شقٍ يااريش العين يرفاه
وانت الذي شقيت خافي ضميري
تضحك وانا صملان قلبي مطواه
تقول لي لين الفلك يستديري
مانيب من يطرد سراب بمظماه
شاف السراب ويحسب انه غديري
عيني على شوف الولايف مضراه
جزوع لاشفت الجفا من عشيري
مايستوي حب بليا مراضاه
بيني وبينك ياالغضي مايصيري
ليست هناك تعليقات:
إرسال تعليق