إهداء إلى الشاعر القدير : عبيد بن راضي
يا عبيد ما جتنا الليالي ع الكيف
الوقت ماهو كل الايام صافي
ما عندنا للوقت يا عبيد تصريف
مصرفه علام سر الخوافي
أشوف من صلفات الايام وأعيف
وغيري ومثلي من تذكر وشافي
راحت مجالس طيبين السواليف
ستر العذارء لابسات الغدافي
حل الجفى بين القلوب المواليف
نبض المشاعر معتريه الجفافي
سهوم المنايا للاوادم خواطيف
كم غيبن من راس شيخن سنافي
من غيبنه سود الايام ما شيف
تذرى عليهم ذاريات السوافي
راحم رجالن ينطحون التكاليف
كبار البيوت مشرعات الرفافي
بيوت السعد يكرم بها الجار والضيف
للجار عز وللمسير ملافي
نطاحت الماجوب شرابت الكيف
مدلهت بالخوف حم الشعافي
وجدي عليهم وجد مسجون بجنيف
عياله صغار وله بناتن ضعافي
او وجد من حده زمانه ع الحيف
ليا بار بالرفقه خطات الهلافي
لو كان بسط وخير ما من تخاليف
روابعن قامن يجني اجزافي
تلوفني لوفت هبوب العواصيف
افز لو اني بعد نوم غافي
ودي ع شوف الفضاء والمشاريف
وسج القدم مع واسعات الفيافي
وقتي مكتفني عن البَر تكتيف
تصعب عليه روحتي وانحرافي
موجز خبر عن ماضي الوقت توصيف
بالماضي المعلوم مضمون قافي
عساك سالم من جميع الصواديف
ليا وصلك العلم والشرح كافي
مع تحيات الشاعر: مرزوق جريبيع الحنيني
ليست هناك تعليقات:
إرسال تعليق