واحة الشعر: جيتك وانا ضايق وناقصني فلوس ... ورجعت ناقصني فلوس وكرامه

الأربعاء، 24 نوفمبر 2021

يامرحبا والبال ماهو بمانوس ...من جيز من سلم بنقبل سلامه

اسمي عزيز وخاطري وسطه حسوس ...ودي ولاودي واخاف الملامة

ولولا حكي الاذناب ومعاتب الروس ... والله لا خليها على اسمك علامه

والوقت شين وحده اقوى من الموس ... والطيب الله لا ينزل مقامه

والمال مامن زود والبيت مدعوس ... والعود يذبح كل يوم كرامه

والله انها على الكبد دبوس ... العام يوم انك جنوب الثمامة

جيتك وانا ضايق وناقصني فلوس ... ورجعت ناقصني فلوس وكرامه

الشاعر هادي بن مانع