ردو سلامي يم زين التواصيف اليانشدكم ناب الارداف عني

 

قصيدة زبن بن عمير

ياهل الركاب اللي سريتو مناكيف

من عندنا يوم النجوم ادبحني

تريضوا يا اهل الركاب المواجيف

لين اني اكتب رد الاخبار عني

ردو سلامي يم زين التواصيف 

اليانشدكم  ناب الارداف عني

قولو قعد واقرب قريب له السيف 

وأجاذب العبرات لين اهضمني

مغير اعدي في طويل المشاريف

واقنب اليا من السباع اقنبني

على ثلاث ابكار وضح مشاعيف

هسيت عنهن بالنظر وافختني

ثلاث فيهن تضيع التواصيف

والومتاه.. اغفال ما وسمني

اتلا علامي فيهن العام بالصيف

مدري اشملن والا جنوب اجنبني

القصيدة كاملة باليوتيوب

https://youtu.be/WzB6_F7IkW8?si=eTKSmFpjV869FrTF

ادرى رفيقك يابعيد المراميع على الرفاقه لا تصير اندفاعي

 

قصيدة جزلة

ياهل الركاب اللي تعلّن على الريع

تريضوا واللي ورى الريع قاعي

ياما تعلّن فوق روس المطاليع 

قدامكم شهب السباع الجياعي

ماحصلن باللي هقن به مطاميع

لا خيب الله مبعدين المساعي 

نركض ورى الدنيا سوات المفازيع 

لو ان نص الركض من دون داعي

ياما غفل راع الذهب والمشاريع

حتى خرج منها  بليا متاعي

من عاند الدنيا يجي يوم ويطيع

وتضيق فيه الارض عقب اتساعي

تغانموا نبت الزهر بالمرابيع

ما كل ساعه يخضرا المراعي

وخذوا من الحلو المصفى قراطيع

ياسرع دورات الزمن والوداعي

واخر كلامي فيه بصمة وتوقيع 

ليه وانا اللي نجدتي من ذراعي

من كثر ما مرت علي المواضيع

خرجت في مضون وقف النزاعي

ادرى رفيقك يابعيد المراميع

على الرفاقه  لا تصير اندفاعي 

لابد ما تشري معه يوم وتبيع

عملة ذهب واللي شرى منك باعي 

حتى عدوك فيه بعض المنافيع

تاخذ عبر ودروس لو كنت واعي

ما تدري ان احسن دوى للمواجيع

يستخلصونه من سموم الافاعي

شعر صالح محسن العروي

سلام تسليم القرار السري

 

سلام تسليم القرار السري 

لاسلمه مرساله لمرسوله

محد ن يعرف الجره الا المري 

متخصص بالجرة المجهولة

الشر حظ ن للعنيد الشري 

اللي الياجا الليل طق اطبوله

ياللي تطري وش تريد تطري

اللي بفكري روح ما انت بحوله

والله مدري ويش انا متحري 

دنيا كذ بيبانها مقفولة

صحيح شفي بالحياة البري

اما هنا واهنا ماهي معقولة

وان كان شفتك بالطريق بصري

قفيت عنك وفرحتك مقتولة

تعبت وانا اجامك وا اوري

وكل السبب بافكارك المشغولة

يا متهم لو قلت لك متبري 

اكلت خبز الحضرمي وفوله

دور على بيت ن ذراه يذري

بيت العقيد اللي تذيع افعوله

لا صار ما انته للعنا متضري

كثر المعاتب والعنا وش هوله

بشت السلف ما يستر المتعري

ما يستره لو كان عرضه طوله

مسلط الكرشمي

البارحه والنار تاكل من النار

قصيدة 

 

البارحه والنار تاكل من النار 

وانا ضلوعي كسرتها ضلوعي 

وقول ياهم الشقى طب وختار

لكن لا تحلم بشوفة دموعي 

الله خلقني للمهمات صبار 

أيضا ولاني بالمواقف جزوعي 

بعض الخطا يمكن تمشيه ألأعذار

أعدي الغلطة بكيفي وطوعي

وبعض الخطا لو ناخذ يمين ويسار 

لاجيت أسامح كني أحب كوعي

بيت

شعر 

خواطر 

 حكم

حب شوق 

الضيقة اللي دايمٍ تالي عصير ..

 

بن فطيس

الضيقة اللي دايمٍ تالي عصير ..

.. وش حيلتي وأردها لا تجيني

لا طال ظل العود حزة عشى الطير ..

.. كنها على سجن الحديد تحديني

يضيق صدري كل ما جات وأسير ..

.. ولايخفف سوج رجلي حنيني

لا حولنا مشراف ولا اقدر اطير ..

.. يالله قمسة خير لا تبتليني

وعقارب الساعة توقف عن السير ..

.. ولاكن في الدوحة سواتي حزيني

والعبره اللي تاصل الحلق وتحير ..

.. يا قربها لو قيل لي يا عويني

أمل شوف الناس ورد ومصادير ..

.. واللي يقول اشفيك كنه يهجيني

يعني على ما قيل من باب تصوير ..

.. (لاحدٍ أبي قربه ولا أحدٍ يبيني)

أروح أدور خط مابه دواوير ..

.. وأدور اللي هادها تهتديني

وآخذ مع الهاجوس سجة وتفكير ..

.. وأراجع اللي فات بيني وبيني

وأحسب ذنوبي وأدور التكفير ..

.. عساي ما قصرت في والديني

وعساي ما قارنت من ينفخ الكير ..

.. واللي يحمل المسك جعله قريني

ويطري علي يوم الحشر وأطلب مجير ..

.. ما أعطى كتابي في شقيقة يميني

ويطري علي صدقان كثر الدنانير ..

.. اللي اتعاديني إلا كثر ديني

وراعي الهروج اللي سوات المناشير ..

.. أصد عنه وأدري انه يعنيني

الله حسيبه يوم عرض القواوير ..

.. والله حسبي من صواب مكيني

وإلا طرالي واحد كانه اصغير ..

.. أم أصغر بيومين ولا سنيني

دريت وش قومي وعينت تفسير ..

.. للضيقة اللي من زمن تعتليني

حبه بصدري سالفة سر في بير ..

.. وكن الفواد يقول هذا زبيني

أشفق على علمٍ يجي منه من غير ..

.. لايسمع اللي سولفوا به ونيني

يا كثرهم غيرهم ولكن خبر خير ..

.. ما غير شوفه في الوجود يهنيني

رايي كذا يا عاشقين الغنادير ..

.. ماله على وجه البسيطه وزيني

العام أجيهم من حساب المسايير ..

.. واليوم حال عداي وينه وويني

خطاي تعليق الأمل في المدابير ..

.. الين راح وشفت حقري بعيني

صبرٍ جميل وخابر إنه مقادير ..

.. والله على تخفيف حزني عويني

ذي حالتي لين اتغبا الشمس واصير ..

.. معطى سراحي عقب مانا سجيني

واذا امتلى جوف الشجر بالعصافير ..

.. طلبت من رب العباد يهديني

يعتقني المذن عقب ضيقة عصير ..

.. اللي على سجن الفراق اتحديني

البعد نار وطاعة العذل كبريت ..

البعد نار وطاعة العذل كبريت ..

بن فطيس المري 

البارحة ربي كتب لي ومريت ..

..دربٍ عليه بروق الأحباب لاحت

جيت المكان اللي جمعنا وخفيت ..

.. وقامت جروحي للجوارح وصاحت

ياليتني في لفة الدرب زليت ..

.. كان العيون من الدموع استباحت

التم غيم الدمع من يوم لفيت ..

.. وورقا القصيد لشوفة الغيم ناحت

وضحكت ماأبغي الناس تدري يبالفيت ..

.. لكنها غصبٍ على العين ساحت

حارت دموعي في عيوني وصديت ..

.. وأرمشت مابيها تبين .. وطاحت

وعقبه برق في العين براق .. واسقيت ..

.. خدي ووناتي بصدري تلاحت

وأنا أحسب إني في فراقه تشافيت ..

.. وان عبرتي من مدخل الزاد زاحت

اللي يحسب إني على البعد سجيت ..

.. والا ان عيوني للرقاد استباحت

ياليتني من قبل لا أحبه اقفيت ..

.. والا ان دروبي عن دروبه تناحت

أهون علي من البكا والتناهيت ..

.. وأشلا من سدودٍ على الناس باحت

عرفت كيف الحي يفرق عن الميت ..

.. وعرفت قيمة نعمتي يوم راحت

قولوله اني عقب بعده تدانيت ..

.. ورجلي عن دروب المعافين شاحت

البعد نار وطاعة العذل كبريت ..

.. يقصر على بعده .. ترى الكبد فاحت

قصايد بن فطيس

 

شعر بن فطيس المري 

من أجمل قصايد بن فطيس

ياهيه إلتفت لي وإسمع دعاي لك يـا هيـه

ترى عادتك تشبـع مـن البعـد واتواجـه

دعيتك بصوتٍ ياصلـك ليـه مـا توحيـه

وأنا أسمع ضلوعك من صدى الصوت لجاجه

عليـك الفـؤاد إخلاجـه مصمـخ راعيـه

خف الله في راعيـه مـا تسمـع إخلاجـه

ترى العفو قد جـاك أولـه وإغتنـم تاليـه

وترى الحلم بحرٍ غيـر لا تامـن أمواجـه

وترى الـود ليـلٍ مظلـمٍ جيت لـك ساريـه

سراجه وصالـك والجفـا ينفـخ سراجـه

وترى قصرنا اللي كم سنة نجمـع ونبنيـه

هوى العذل طيـح بابـه العـود وسياجـه

لي أيام مـدري ويـن دارك ولا أدري ليـه

وأنا خابـر إنـي بـاب شفـك ومزلاجـه

غيـابٍ بـلا سبـة هجـادٍ بــلا تنبـيـه

وجفا أغلى العرب نارٍ على الكبـد وهاجـة

نضج قلبي من البعـد وش حاجتـك تكويـه

جفاك الجمر والصبر فـي بعـدك الصاجـه

وطبع حبـك بقلبـي والأيـام مـا تمحيـه

هـذا هجـرك يحـاول يموجـه ولا ماجـه

يموت الأمـل لكـن ظنـون الغـلا تحييـه

وعروق الوفـا فالـروح والقلـب وجاجـة

خبرتوا حدٍ يبكـي علـى واحـدٍ يبكيـه؟؟!!

وخبرتوا حدٍ مسجون ما يبقـي إفراجـه؟؟!!

أحبـه ولا أبغضتـه علـى شـيٍ يسويـه

ولا زالـت رقـاب الرجـا فيـه منعـاجـة

عسى منزلٍ ضمه حقـوق الوسـم تسقيـه

وتضحك له الدنيا وهـو يضحـك حجاجـه

فقد خاطـري شـي مـن الضيقـة مسليـه

وغد روحي من النـاس والليـل هجاجـة

أروح لمكـانٍ خابـره .. خابـره ياتـيـه

أسوق القدم صوبـه وهـي مالهـا حاجـة

مكـانٍ نزيـه وأول مواجهـي لـه فـيـه

وأنـا خابـرٍ مـا رجـل مثلـه بـدواجـة

لعل وعسـى مـا حدنـي للمجـي يدعيـه

وأشوفه وأنـا مـا ودي أسبـب إحراجـه

يحب الجريح آخـر دروب اللقـى ويجيـه

وتحـب القـدم جيـة مكـان أول مواجـه

راكب اللي صمموه الاد بوش

 

قصيدة عبدالله المشيعلي الحربي

بالدويش

راكب اللي صمموه الاد بوش

مقلحز مثل الشجاع المستهيش

............................................................................................

راكب اللي صمموه الاد بوش

مقلحز مثل الشجاع المستهيش

هيكلة مزموم بروم محفوش

ضد صفق النود مسلوب الكليش

بالجهاز مبرمج ن تصمبيم خوش

جمس صمم ملكي ماهو غشيش

أحرفه في هيكله مثل النقوش

يو اس اي امريكا بالانقليش

يشتغل من نوشة المفتاح نوش

دقمة الريموت والا بالسويش

حندوانه في حشا جوفيه يجوش

واللهب مع مصدر العادم يطيش

يرتطن رطنة غضب كنه يهوش

تقل ينبي حط رجلك ما عليش

جربكسه والتشالي والدشوش

تماتيكي بالسريع وبالشويش

ان دغته يرتقص تقل مخروش

وان ختلته ينسهد مثل الحنيش

مع ذعاع النود جامه ما يدوش

فل كامل مركزي الكندنيش

من بريده مبتدا سيره غبوش

والضحى ملفاه ديوان الدويش

شيخ علوا شيخة ماهي قروش

ورث جد وعد من عهد القريش

عزوته جوزا وجواده كروش

ولابته حمر النواضر سناد الخيل جيش

مقدم جمع مطير باليوم العبوش

ما اخذوها في وسايط بخششيش

اخذوها بالفعايل والنموش

والبيوت اللي بها الجالي يعيش

ملتجا البردان بايام الرشوش

والفقير يعيش باطرفهم غويش

العشا من عقر البل والكبوش

يشبع المشفوح ويخلي عريش

النحاوي والفداوي والهتوش

يوم مابه بسكويت وسندويش

سيرة الدوشتن شامخة العروش

تذهب الاجيال والذكرى تعيش

ما يخلد مدح من هرج مغوش

ولا يزرهب بالعرب فرة كديش

لوتنصب وانتصب بعض الختوش

مكسبه من منصبه خيشة نفيش

الضحاضح ما يروون العطوش

ما يعقب للحفيد ولا قطيش

ولا يثور زناد فارغة القفوش

والمخالب ما تصيد بدون ريش

ما استندت بمحزم الطاروق طوش

ما اتخمش في معاني اتخميش

اعرف ان عبدالله الماجد يشوش

الدويش ابن الدويش ابن الدويش

وقالو ان سعود بالطرقي بشوش

جيت اسلم وابعلم جيت ليش

من قبيلة حرب جينا لك طروش

بلازم مخفيه لين تقول ويش

عبدالله المشيعلي الحربي

سجد قلبي نايف صقر

قصيدة خيام الندم

سجد قلبي

سجد قلبي على رمل الضلوع وهزه التنهيد

وانا في قلبي خيام الندم والخوف منصوبة

يارب افهق هلاكي والمنايا والدروب بعيد

مادام المودماني للتراب تقوده دروبه

ياغياث الظوامي والثمام وجرهدي البيد

أعذني من جهنم والحشر والموت وكروبه

انا مانبيب لامشرك ولافاسق ولا عربيد

انا اللي لاعصى وأخطأ تجهم وأقلقه ثوبه

وانا اللي يرتجف مثل ارتجاف الخايف الرعديد

اذا شاف القبور الضيقات وحس بذنوبه

انا عبدك ولد عبدك وجداني هلَ التوحيد

خطاياي أخجلتني يالله الغفران والتوبه

انا الانسان حمال النقايض والكمد والكيد

غريق الطين واللذات من راسه لعرقوبه

انا عبدك ياربي وانت تفعل ماتشاء وتريد

سألتك يالله بعفو عظيم وهين دروبه

الشاعر // نايف صقر

 

الهنوف اللي سرت من نجد

 

الهنوف اللي سرت من نجد وأمست فالحوية=ضيقت صدر الرياض وسافر الطايف وجاها

وأنثنا غيم الحجاز لخـد نجـد النرجسيـة=يوم جاته من زعلها كنها تقصـر خطاهـا

زعلوها ورحلت وأخلت قصـور الفاخريـة=وألحقتني شرهة الزعلان وأخطاني رضاهـا

سافرت والله ما أخبر اللي يزعلهـا عليـه=وأستباحت يالله الخيرة سهر عيني وماهـا

ليتها يوم أستباحت دمعـة العيـن الشقيـة=ما أستباحت دم قلبي من خلاها في خلاهـا

دونها ما أغليت وسم أهلي ولا شداد المطية=مرخصٍ فالقاع عمري والثريا فـي سماهـا

لايمي يبلى بحب الحضـر بعيـون أبدويـة=في ظروفٍ ما يقارن مستـواه بمستواهـا

درةٍ بالموت محروسـة وبالبحـر محميـة=البحر من دونها والموت الأحمر من ورهاه

لا أقبلت هيجنت وأن أقفت جذبت السامرية=وا عذابي لا عطتنـي وجههـا ولا قفاهـا

أن عطتني وجهها يسعد صباح النرجسيـة=وأن كستني نفحةٍ من ليلها يسعـد مساهـا